Bilim beriwde tájiriybeli jas ustaz

Bilim beriwde tájiriybeli jas ustaz


Qaraqalpaqstan Respublikası, Nókis qalasındaǵı

 

Nókis qalası xalıq bilimlendiriw bólimine qaraslı 46-sanlı mámleketlik qániygelestirilgen mektebi joqarı dárejede bolǵan mekteplerden biri bolıp esaplanadı. Mektepte 250 ge jaqın ustaz pedagoglar 2000 oqıwshı jaslarǵa tálim-tárbiya berip kelmekte. Házirgi waqıtqa shekem mektep oqıtıwshıları hár bir sabaqtı tálimniń zamonagóy túrlerinen paydalanǵan halda sabaq ótiw, xabar kommunikaciya texnologiyaların puqta biliwi nátijesinde bilim sapasın asırıwǵa erisip kelinbekte. Bul bilim alıw mektebinde barlıq pán oqıtıwshılardıń jas áwladqa sapalı tálim-tárbiya beriwi ushın barlıq qolay shárt-shárayatlar jaratılǵan. Pandemiya shárayatındada mektep oqıtıwshıları oqıwshılardıń puqta bilim alıwları ushın tınbay izlenedi, dóretiwshilik penen shuǵıllanadı hám natiyjede onlayn tárizinde sıpatlı bilim beriwge erisiledi. Mine usınday izleniwsheń ustazımız óz kásibin shın qálbinen súyetuǵın, kemtar hám mehriyban ingliz tili oqıtıwshısı

 

     Qurbanova Gúlsanem Keńesbaevna.

 

Adamlarǵa mehir – bul sonday qanat, ol menen insannıń eń biyik shıńlarǵa párwaz qıladı. Qálbinde jaqsılıq ,ezgiwlik burqıp uradı. Gúlsanem Keńesbaevnada áne sol mehirdi beriwshi, jası úlken hám jası kishilerdi teńdey súyetuǵın, olardıń jetiskenliklerinen shın kewilden quwanatuǵın, insanlarǵa jaqsılıq qılatuǵın hám jaqsılarǵa háwes penen qarap jasaytuǵın hámde olar menen óz arzıwları, dóretiwshiligi hám maqseti haqqında pikirlesetuǵın hám olarǵa súyenip jasaytuǵın dilbar mehriyban insan. Menimshe, mehridár'ya hám qálbi taza insanlar, álbette, oqıtıwshı degen sharaplı kásip iyeleri bolıwı kerek. Qurbanova Gúlsanem Keńesbaevna 2007-jıl Qaraqalpaq mámleketlik universitetiniń Ingliz tili fakultetin tamamlap, Nókis qalasındaǵı 46-sanli qániygelestirilgen mektebinde óziniń jumısın baslaydı. Usı mektepte sheber ingliz tili oqıtıwshılardan biri, 45 minutlıq sabaqqa tayaralnıw, sabaq ótiwiniń ápiwayı hám quramalı usılların, sabaqtıń maqsetleri durıs tańlanǵanlıǵı hám oqıwshılar menen birge doslıq múnásibetinde bolıwǵa baylanıslı barlıq sabaqlardı úyrenip shıqtı.

 

 

 

 

 

 

Kishkene balalarǵa eń birinshi márte bergen sabaqlarınan-aq mehiri onı ózge álemge jetekledi. Olarǵa qarap balalıqtıń zawıqlı ańların esledi hám ingliz tili oqıtıwshısı kásibin tańlap adaspaǵanlıǵın, bul kásip arqalı jaslıqtaǵı máwritlerge umıtılmas waqıtlarǵa jáne bir mártebe qaytqanlıǵın ish-ishinen tán aldı. Mektepke birinshi qádem qoyǵan balalarǵa oqıwdı hám jazıwdı úyretken waqtında balalarǵa jánede qattıraq baylanıp qaldı. Olar onıń shańaraq aǵzalarına aylandı. Sol menen birge, mehriyban, qálbi menen usı kásipti iyelewge, oqıwshılarǵa hám ádiwli mektebine arnadı.

 

 

 

 

2007-jıldan Gúlsanem Keńesbaevna Nókis qalasındaǵı 46-sanlı qániygelestirilgen mektebinde óziniń kásibin dawam ettirip kelmekte. Mektep direktorı Madina Berdixanovna hám Ingliz tili páni metodikalıq birlespe oqıw isleri boyınsha direktor orınbasarı Barno Djumabaevna, “Qaraqalpaqstan Respublikası xalq bilimlendiriw aǵlası” kókirek nıshanı menen Qurbanova Gulsanemdi usındı. Onı mektep ómiri hám jumıs barısı menen tanıstırar eken, mektepte pedagogikalıq sheberlikke iye hám bilimli oqıtıwshılar jámááti menen birgelikte hám bárhama izlenip, alǵa ilgerilep islewin hám pidayı oqıtıwshı bolıp islewine úndedi. Gúlsanem Keńesbaevna ózinde bar bilimin ayamay óziniń kásibine baǵıshladı. Oqıwshılarǵa sapalı bilim beriwge háreket etip kelmekte. Bilmegen, qıynalǵan waqıtlarında ustazlarınan sorap sorawlarına óz sheshimlerin tapqan. Maqseti – oqıwshılardı bilimli, jetik insan hámde Watanǵa degen súyspenshiligin oyatıp, kámil insan etip tárbiyalaw ekenligin shın júreginen ámelge asırıp kelmekte. Hár bir ótiletuǵın sabaqtı kórgizbe qurallardı qollanǵan halda hám sabaqlardı joqarı dárejede ótiwge háreket etip kelmekte.   Usı mektepte Gúlsanem Keńesbaevna tájiriybeli oqıtıwshılar menen birgelikte jumıs alıp baradı. Barqulla óziniń ústinde oqıp úyrenip izlenedi, óz kásibiniń sırların tereńnen bilip alıwǵa bar imkániyatlarınan paydalanadı. Ingliz tilin úyretiwde eń áweli shet tili bolǵanlıqtan jaqsılap hám puqta úyretiliwi tiyis ekenligin bilip barqulla izleniwde oqıwshılarǵa jańadan zamanagóy metodlardan paydalanǵan halda sabaqlıqtı qızıqlı etip úyretip kelmekte.

 

 

 

 

Onıń bul kásipti tańlawına óziniń súyikli shet tili páni ustazı Madina Qalabaeva sebepshi boladı. Oqıtıwshılardı oqıtıw, olarǵa degen mehirin kórsetiw hám bilim berip kámil insan etip tárbiyalaw ustazınan ótken jaqsı paziyletler. Shańaraqtaǵı jaqsı tárbiya hám ruwxiy tárepinen bay etip tárbiyalaǵan ata-anası arqasında, ósip kiyatırǵan jas áwlatqa tálim-tárbiya beriw eń aldınǵı qoyǵan maqsetlerinen biri bolıp esaplanadı.

 

Pedagogikalıq stajı 13 jıl. 2007-jıldan baslap Nókis qalası 46 qániygelestirilgen ulıwma orta bilim beriw mektebi inglis tili páni oqıtıwshısı bolıp islep kelmekte.

 Ol ózi islegen pedagogikalıq miynet jolı dawamında kóplegen jetiskenliklerge erisip kelmekte. Oqıwshılarǵa tálim-tárbiya hám puqta bilim beriwde jańa pedagogikalıq texnologiyalardan, interaktiv metodlardan keń tárizde paydalanadı, hár-bir oqıwshınıń qábiletin esapqa alǵan halda sabaqlardı “Sabaq muqaddes” dástúri tiykarında shólkemlestiriwge hám sabaqtıń sıpatın asırıwǵa erisip kelmekte. Oqıwshılar arasında inglis pánine baylanıslı kórik-tańlaw hám kesheler, jarıslar, debatlar ótkerip kelmekte.

Qurbanova Gúlsanem óz pániniń bilimdanı, talapshań, izleniwsheń oqıtıwshı sıpatında oqıwshılardı bilimli, erkin pikirlewge umtılıwshı insanlar qılıp tárbiyalawǵa úlken itibar berip kelmekte.

Ol 2012-jılı Tashkent qalasında shet tilleri oqıtıwshıları ushın seminarda qatnasıp, sol jılı Q.Ubaydullaev atındaǵı Respublikalıq pedagog kadrlardı qayta tayarlaw hám qániygeligin arttırıw institutında Prezidentimizdiń PQ-1875 sanlı qararı tiykarında shet tillerinen oqıtıp trener-oqıtıwshı bolıp, ayırıqsha hám úlgili tárepleri menen belsendi qatnasqanı ushın “Maqtaw jarlıǵı” menen sıylıqlandı. Trenerlik sertifikatın qolga kiritip hám Qarakalpaqstan Respublikası qániyge arttırıw institutında trener sıpatında Respublikamızdıń basqa 2000 ǵa shamalas oqıtıwshıların oqıttı.

 

 

 

 2015-2016-oqıw jılında birinshi Prezidentimizdiń PQ-1875 “Jıldıń eń jaqsı pán oqıtıwshısı 2015” kórik tańlawınıń respublika basqıshında 1-orındı iyeledi. 2016-jılı yanvar ayında “Jıldıń eń jaqsı shet tili páni muǵallimi” kórik tańlawınıń jeńimpazı bolıp Ullı Britaniya mámleketiniń London hám Plimut qalalarındada Respublikamızdan 41 muǵallim toparında óz tájiriybesin arttırıp qayttı.

 

2017-jılı ótkerilgen “Jıl oqıtıwshısı” kórik tańlawınıń qalalıq basqıshında 2-orındı iyelegen. Bunnan basqada kóplegen Tashkent qalasında ótkerilip atırılǵan shet el oqıtıwshılardıń tájriybesin arttırıw shólkemleri menen birgelikte jumıs alıp baradı. British Council IRIS group UzTEA, Uzpic Innovaciya Orayı hámde Westminister Universiteti

 

tárepinen ótkerilip atırǵan seminarlar hám konferenciyalarda

qatnasıp, ózine tiyisli bolǵan sertifikatlardı alıp óziniń kásiplik sheberligin arttırıp kelmekte. Onnan qala berse ol Amerika Qurama Shtatları tárepinen ajıratılǵan granttı yaǵnıy “Oqıtıwshılardıń Bilimin Asırıw hám Rawajlandırıw” onlayn oqıw kursın qolǵa kiritip óziniń bilimin asırıp kelmekte. Ol jánede 3,4 hám 5,6,8-klasslar ushın arnalǵan grammatikalıq shınıǵıwlardı sabaq dawamında qollanıw boyınsha qollanba islep shıqtı.

 

2018-2019-oqıw jıllarında Berdmuratova Dilbarxon 9-klass Qaraqalpaqstan Respublikası Olimpiadasınıń 3-basqıshında sıylı 1-orındı hám Tangatarova Shaxsanem 5-klass arasındaǵı “Bilimler bellesiwi”nde sıylı 1-orındı iyeledi.

 

 

 

 

 

 

 

 

 

 

 

2020-jılı Ózbekistan Respublikası menen birgelikte shet el universiteti George Mason University alıp barılatuǵın joybarında birgelikte Core Teacher Trainer is alıp barıw imkániyatın qolǵa kiritti. Yaǵnıy bul, oqıtıwshılardıń bilimin, kásiplik sheberligin jánede arttırıwǵa imkan jaratadı, sol menen birgelikte oqıwshılardı úlgili, 21-ásir talabına juwap beretuǵın dún'ya júzi standartlarına tiykarlanǵan halda oqıtadı.2020-jili Pandemiya sebepli onlayin Ulli Britaniya mamleketi tarepinen sholkemlestirilgen Cambridge,TESOL  Webinarlarina qatnasip Certificatlarga iye boldi.

 

Mektepler arasinda Sport turi yagniy Valeyboll menen shugillanip, mektepler arasindagi jarista qatnasip keledi ham siyli 1shi orindi jenip aliwga miyassar boldi.

 

 

 

 

 

                            

 

 

Ol ózine júkletilgen hár qanday wazıypanı juwapkershilik penen atqarıp qoymastan, óz tájireybe bilimlerin asırıw boyınsha oqıp izleniwden sharshamaydı. Jaqında Tashkent qalasında bolıp ótken “Bilimlendiriw Jańa Innovacion Kónlikpelerdi Rawajlandırıw” boyınsha onlayn tárizinde oqıp sertifikatqa iye boldı.

 

 

 

Ol óz kásibi sheńberinde qalıp ketpesten mektepte, respublikada ótkiziletuǵın ilajlarda, jámiyetlik jumıslardada belsene qatnasadı. Qurbanova Gúlsanem ózi jasap atırǵan mákan puqaralar jıyınınıń belsendi hayal-qızlardıń biri bolıp, jaslardı jat ideyalardan awlaq bolıwda, abadanlastırıw, kóklemzarlastırıw ilajların shólkemlestiriwde belsene qatnasıp kelmekte. Gúlsanem Keńesbaevna – eń biyik shıńlarındaǵı maqsetlerin ámelge asırıw ushın shın kewilden miynet qılatuǵın pedagog. Ol bilim berip kiyatırǵan hár bir oqıwshı Watanǵa degen súyispenshiligin arttırıw, márt hám batır, kúshli bilim hám qábiletli jas áwlattı tárbiyalawdı háreket qılıp kiyatır hám ol usı jaqsı, ádiwli jolda jaqsı háreketlenip atır!

Biz Nókis qalası 46-sanli qániygelestrilgen mektebiniń ingliz tili oqıtıwshısı Qurbanova Gúlsanem Keńesbaevnanıń jas áwlatqa tálim-tárbiya beriwinde nátiyjeli jumısına bilim sapasın rawajlantırıw, oylaǵan islerin ámlge asırıwın tilep qalamız.

 

 

 

 

painting icon

Мәнзил

Қарақалпақстан Республикасы, Нөкис қаласы, А.Досназарова көшеси, 62

email icon

Електрон почта

qoraqalpogiston_xtv@xtv.uz mno.rk@exat.uz

cordless screw driver icon

Жумыс күнлери

Жумыс күнлери: Дүйшемби - Жума. Жумыс ўақты: 9:00 - 18:00.