ЖӘМИЙЕТЛИК ПӘНЛЕРИН ОҚЫТЫЎ БОЙЫНША «МАСТЕР КЛАСС» ӨТКЕРИЛДИ

ЖӘМИЙЕТЛИК ПӘНЛЕРИН ОҚЫТЫЎ БОЙЫНША «МАСТЕР КЛАСС» ӨТКЕРИЛДИ


Қарақалпақстан Республикасы Халық билимлендириў министрлиги жанындағы Республикалық оқыў-методикалық орайының Тәрбия пәни методисти Г.Шуакбаева ҳәмде Мәмлекет ҳәм ҳуқық тийкарлары пәни методисти А.Жоламановлар  тәрепинен Қараөзек районы 28-санлы улыўма орта билим бериў мектебинде райондағы улыўма орта билим бериў мектеплериниң Мәмлекет ҳәм ҳуқық тийкарлары, тәрбия пәни муғаллимлери ушын «Мастер класс» семинары  өткерилди.

  

Семинарда бүгинги күндеги улыўма орта билим бериў мектеплериндеги билимлендириў тараўында жүз берип атырған жаңалықлар, билимлендириў мәкемелериниң алдына қойылып атырған талаплар ҳәм бүгинги өткерилип атырған оқыў-семинарының әҳмийетине кең түрде тоқтап өтилди. Сондай-ақ, педагог кадрларға методикалық хызмет көрсетиў тараўында билимлендириўдиң мазмуны ҳәм нәтийжелилигине ерисиў, билимлендириў процессинде информация-коммуникациялық технологиялардан нәтийжели пайдаланыў, педагогикалық жәмәәт ортасында саламат бәсекилеслик орталығын қәлиплестириў, муғаллимлердиң турақлы түрде өз үстинде ислеўи ушын имканиятлар жаратыў ҳәмде оқыў-семинарына таярланған баянатлар ҳәм презентациялар жәмийетлик пән оқытыўшылары ушын керекли болған актуал темаларды ѳз ишине қамтып алыўға айрықша итибар қаратылғанлығын атап өтти. Семинарда бүгинги күндеги улыўма орта билим бериў мектеплериндеги тәрбия пәни муғаллимлер тәрепинен ең көп берилип атырған сораўлар ҳаққында қызғын пикир алмасыўлар болды.

    

Сондай-ақ, семинарда муғаллимлерди топарларға бөлген ҳалда «Аукцион» методы көрсетип берилди ҳәм Тәрбия пәнин оқытыў барысында усы методты қолланыў бойынша усыныслар берилди.

painting icon

Мәнзил

Қарақалпақстан Республикасы, Нөкис қаласы, А.Досназарова көшеси, 62

email icon

Електрон почта

qoraqalpogiston_xtv@xtv.uz mno.rk@exat.uz

cordless screw driver icon

Жумыс күнлери

Жумыс күнлери: Дүйшемби - Жума. Жумыс ўақты: 9:00 - 18:00.