БАСПАСӨЗ КОНФЕРЕНЦИЯСЫ ӨТКЕРИЛДИ

БАСПАСӨЗ КОНФЕРЕНЦИЯСЫ ӨТКЕРИЛДИ


Кеше, 3-март күни "Прогресс" Билимлендириў ҳәм раўажландырыў орайы жанындағы №46-санлы қәнигелестирилген улыўма билим бериў мектебиниң мәжилислер залында Қарақалпақстан Республикасы Халық билимлендириў министрлиги тәрепинен 2020-жылда əмелге асырылған жумыслар ҳәм 2021-жылға белгиленген режелер бойынша  баспасөз конференциясы болып өтти. Конференцияға тараў қәнигелери ҳәм ғалаба хабар қуралларының ўәкиллери қатнасты. Илажды Қарақалпақстан Республикасы Халық билимлендириӯ министри Р.Реимов кирис сөз бенен ашты ҳәмде Президентимиз тәрепинен билимлендириў тараўын буннан былай да раўажландырыў, педагог-қәнигелер менен қәбилетли оқыўшыларды қоллап-қуўатлаў, олардың ҳәр тәреплеме терең билим алыўы ушын жаратылған шараятларға тоқтап өтти. Соң Министрдиң биринши орынбасары А.Худайбергенов “Қарақалпақстан Республикасы Халық билимлендириў министрлиги тәрепинен 2020-жылда əмелге асырылған жумыслар ҳәм 2021-жылға белгиленген режелери” бойынша баянат жасады.  Илаж соңында қатнасыўшылар өзлерин қызықтырған сораўлары бойынша қәнигелерге мүрәжат етип, оларға тийисли жуўаплар алды.

painting icon

Мәнзил

Қарақалпақстан Республикасы, Нөкис қаласы, А.Досназарова көшеси, 62

email icon

Електрон почта

qoraqalpogiston_xtv@xtv.uz mno.rk@exat.uz

cordless screw driver icon

Жумыс күнлери

Жумыс күнлери: Дүйшемби - Жума. Жумыс ўақты: 9:00 - 18:00.