Орай тарийхы

Орай тарийхы


Respublikalıq oqıw metodikalıq Orayı haqqında

MAǴLĺWMAT

Ózbekstan Respublikası “Bilimlendiriw xaqkında”ǵı, “Kadrlar tayarlawdıń milliy baǵdarlaması haqqında”ǵı nızamları tiykarında qabıl etilgen Ózbekstan Respublikası Prezidenti pármanlarınıń orınlanıwın támiyinlew, Qaraqalpaqstan Respublikası Xalıq bilimlendiriw ministrligi quramındaǵı Respublikalıq oqıw metodikalıq Orayı házirgi zaman talaplarına juwap beretuǵın, bilimlendiriw tarawındaǵı reformalardı ámelge asırıwǵa baǵdarlanǵan jumıslardı jeterli dárejede shólkemlestiriw, sonday-aq, ministrlikke qaraslı barlıq túrdegi bilimlendiriw mákemelerinde mámleketlik bilimlendiriw standartları hám talaplarınıń ózlestiriliwin támiyinlewde metodikalıq járdem kórsetip kelmekte.

Bunnan tısqarı, Qaraqalpaqstan Respublikası Xalıq bilimlendiriw ministrliginiń Respublikalıq oqıw-metodikalıq orayı Qaraqalpaqstan Respublikası Ministrler Keńesiniń 1993-jıl 24-iyundaǵı 170/6-sanlı qararına tiykarlanıp 36 shtat kestesi menen shólkemlestirilip, Nókis qalası Hákiminiń 1994-jıl 24-marttaǵı 44-3-sanlı qararı tiykarında yuridikalıq statusqa hám óz esap betine iye metodikalıq oray bolıp xızmet etiwden baslaǵan.

Házirgi kúnde bul oray Qaraqalpaqstan Respublikası Joqarǵı Keńesi Prezidiumınıń 2018-jıl 8-yanvardaǵı 270-sanlı qararı tiykarında xızmet alıp barmaqta.

Respublikalıq oqıw-metodikalıq Oray tárepinen bilim beriw qaraqalpaq tilinde alıp barılatuǵın respublikamızdaǵı 51 payız ulıwma orta bilim beriw mektepleriniń oqıwshıları ushın “Álipbe”, “Oqıw kitabı”, “Ana (qaraqalpaq) tili hám ádebiyatı”, “Qaraqalpaq tili (mámleketlik til)”, “Qaraqalpaqstan tariyxı”, “Qaraqalpaqstan geografiyası”, “Ádepnama” hám “Qosıq” pánlerinen mámleketlik bilimlendiriw standartları, oqıw dástúrleri oray janındaǵı ilimiy keńeste talqılanıp, usı keńes sheshimi menen Ózbekstan Respublikası Bilimlendiriw orayı muwapıqlastırıwshı toparına usınıs etilip barıladı, sabaqlıqlar hám oqıw-metodikalıq qollanbalardı tayarlaw hámde basıp shıǵarıw jumısların ámelge asıradı. Ózbek tilinde basıp shıǵarılǵan sabaqlıqlardıń baspa tárepinen tayarlanǵan awdarmalarınıń mámleketlik bilimlendiriw standartlarına sáykesligin hám gramatikalıq qáteliklerin dúzetiw barısında pán baǵdarları boyınsha dúzilgen ekspert aǵzaları tárepinen úyrenilip shıǵıladı hámde baspaǵa basıp shıǵarıw ushın usınıslar beredi. Ózbekstan Respublikası Ministrler Kabinetiniń 2017-jıl 15-marttaǵı “Ulıwma orta bilimlendiriw haqqındaǵı Rejeni tastıyıqlaw haqkında”ǵı 140-sanlı, 2017-jıl 6-apreldegi “Ulıwma orta hám orta arnawlı, kásip-óner bilimlendiriwiniń mámleketlik bilimlendiriw standartların tastıyıqlaw haqqında”ǵı 187-sanlı qararlarında belgilengen wazıypalardı orınlaw jumısları oray tárepinen tikkeley ámelge asırılmaqta.

Ózbekstan Respublikası Prezidenti SH.M.Mirziyoev baslaması menen 2017-2018-oqıw jılında iske túsirilgen Nókis qalasındaǵı I.Yusupov atındaǵı qaraqalpaq tili hám ádebiyatı pánin tereń úyreniwge qánigelestirilgen mámleketlik mektep-internat jumıslarına metodikalıq járdem beriw, ózbek hám basqa tillerdegi sabaqlıqlar, balalar kórkem ádebiyatların qaraqalpaq tiline awdarıw, mektep oqıtıwshıları ushın metodikalıq qollanba, sabaq islenbelerin qaraqalpaq tilinde jetkerip beriw uazıypaları tikkeley usı Orayǵa júklengen. Házirgi waqıtta Respublikalıq oqıw metodikalıq Orayında:

-Filologiya pánleri sektorı;

-Anıq hám tábiyiy pánler sektorı;

-Baslawısh tálim, ámeliy pánler sektorı;

-Jámiyetlik pánler sektorı;

-Sabaqlıqlardı hám oqıw metodikalıq qollanbalardı jaratıwdı muwapıqlastırıw sektorları xızmet etip kelmekte.

painting icon

Мәнзил

Қарақалпақстан Республикасы, Нөкис қаласы, А.Досназарова көшеси, 62

email icon

Електрон почта

qoraqalpogiston_xtv@xtv.uz mno.rk@exat.uz

cordless screw driver icon

Жумыс күнлери

Жумыс күнлери: Дүйшемби - Жума. Жумыс ўақты: 9:00 - 18:00.